ಇಸವಿ ೨೦೧೭ರಂದು ಭಾರತೀಯ ಮತಂಗ ಸಾಮಾಜಿಕ ಸಾಂಸ್ಕೃತಿಕ ಅಕಾಡೆಮಿಯು ಕರ್ನಾಟಕದ ಅತ್ಯಂತ ಹಿಂದುಳಿದ ಭಾಗ ಎಂದು ಕರೆಯಲಾಗುವ ಹುಮ್ನಾಬಾದ್‌ದಲ್ಲಿ ಸ್ಥಾಪಿತವಾಯಿತು. ಇದರ ಮೊದಲ ಸ್ಥಾಪನಾ ಟ್ರಸ್ತಿಯಾಗಿ ಶ್ರೀ ಅನಿಲ್ ಕುಮಾರ್ ಕಟ್ಟಿಯವರ ಜೊತೆಗೆ ಇನ್ನೂ ನಾಲ್ಕು ಮಹನೀಯರು ಕೈಗೂಡಿಸಿದರು. ಇದರಿಂದಾಗಿ ಸಮಾಜಕ್ಕೆ ಉಪಯೋಗವಾಗುವಂತಹ ಸಾಂಸ್ಕೃತಿಕ ಹಾಗೂ ಸಾಮಾಜಿಕ, ಧಾರ್ಮಿಕ ಕೆಲಸಗಳನ್ನು ಮಾಡಬೇಕು ಎಂಬುದು ಇದರ ಸಾತ್ವಿಕ ಉದ್ದೇಶ. ಸಂಸ್ಥೆಯು ಇಲ್ಲಿಯವರೆಗೆ ನಡೆಸಿರುವ ಸಾವಿರಾರು ಸಾಂಸ್ಕೃತಿಕ ಹಾಗೂ ಸಾಮಾಜಿಕ ಕಾರ್ಯಕ್ರಮಗಳು ಇದಕ್ಕೆ ಸಾಕ್ಷಿಯಾಗಿವೆ. ವರ್ಷವಿಡೀ ಈ ಸಂಸ್ಥೆಯು ಮುಖ್ಯವಾಗಿ ತನ್ನ ಕ್ಷೇತ್ರವಾದ ಹುಮ್ನಾಬಾದ್ ಜಾಗ ಮತ್ತು ಬೀದರ್‌ವರೆಗಿನ ಹಲವಾರು ಗ್ರಾಮ/ಗ್ರಾಮಾಂತರ ಪ್ರದೇಶಗಳು, ಬೆಂಗಳೂರು, ಮೈಸೂರು ಇತ್ಯಾದಿ ಮಹಾನಗರಗಳು, ಅಂತಾರಾಷ್ಟ್ರೀಯವಾಗಿ ಐರೋಪ್ಯ ಮತ್ತು ಅಮೇರಿಕಾ ಸಂಸ್ಥೆಗಳ ಒಡನಾಟ, ಹೀಗೆ ಅನೇಕ ಸಂಸ್ಥೆಗಳೊಡನೆ ಕೈಗೂಡಿಸಿ, ಹಲವು ಬಾರಿ ಉತ್ಸವ-ಸಂದರ್ಭಗಳನ್ನು ಏರ್ಪಡಿಸದೆ. ಕರ್ನಾಟಕದಲ್ಲಿ ಮತಂಗಮುನಿಯ ಬಗ್ಗೆ ಪ್ರಾಮಾಣಿಕವಾದ ಕಾಳಜಿಯನ್ನು ವಹಿಸಿ ಅದಕ್ಕಾಗಿ ಹಗಲಿರುಳೂ ದುಡಿದ ಸಂಸ್ಥೆ ಇದಾಗಿದೆ. ತನ್ನ ಕ್ಷೇತ್ರದ ಬಹುಸಂಖ್ಯಾತ ಸಮುದಾಯವಾದ ಮಾದಿಗಜನಾಂಗದಲ್ಲಿ ನೆಮ್ಮದಿಯ, ಹೆಮ್ಮೆಯ ಹಾಗೂ ಶಾಂತಿಯುತವಾದ ಭಾವನೆಗಳನ್ನು ಉಂಟುಮಾಡಿ, ಭಾರತೀಯ ಸಂಸ್ಕೃತಿ ಹಾಗೂ ಧರ್ಮದಲ್ಲೇ ಉಳಿಯಲು ಪ್ರೇರೇಪಿಸುತ್ತದೆ. ಬಡಮಕ್ಕಳಿಗೆ ಓದುಬರಹಕ್ಕಾಗಿ ವಿಶೇಷ ಅನುದಾನಗಳನ್ನೂ ಸಹಾಯಗಳನ್ನೂ ನೀಡುತ್ತಿದೆ. ತನ್ನ ಸ್ಥಳದ ಆಸುಪಾಸಿನ ಗ್ರಾಮ-ಗ್ರಾಮಾಂತರದ ಸ್ತಿçÃಯರಿಗೆ ವಿಶೇಷವಾದ ಸವಲತ್ತುಗಳನ್ನು ನೀಡಿ, ಉದ್ಯೋಗಗಳನ್ನು ನೀಡಿ ಅವರಲ್ಲಿ ಹೊಸ ಜೀವನದ ಉತ್ಸಾಹವನ್ನು ನೀಡಲು ಶ್ರಮಿಸುತ್ತಿದೆ. ಇಂದು ಮೈಸೂರು-ಬೆಂಗಳೂರು ಇತ್ಯಾದಿ ನಗರಗಳಲ್ಲಿ ಸ್ಥಳಗಳನ್ನು ಪಡೆದುಕೊಂಡು ಅಲ್ಲಿ ಮತಂಗನ ಬಗ್ಗೆ ಒಂದು ಮ್ಯೂಸಿಯಮ್, ಅಧ್ಯಯನ ಕೇಂದ್ರ, ಸಂಗೀತ-ಸAಸ್ಕೃತಿ ಹಾಗೂ ಇತರ ಸ್ಕಿಲ್ ಉನ್ನತಿಗಾಗಿ ಹಲವಾರು ಆಯೋಜನೆಗಳನ್ನೂ ಧ್ಯೇಯಗಳನ್ನೂ ಆಲೋಚಿಸಿಕೊಂಡು ಅವುಗಳನ್ನು ಶೀಘ್ರವಾಗಿ ಅನುಷ್ಠಾನಕ್ಕೆ ತರಲು ಹಗಲಿರುಳೂ ದುಡಿಯುತ್ತ ಸಾಧ್ಯತೆ ಎಡೆಗೆ ದಾಪುಗಾಲು ಹಾಕುತ್ತಿದೆ. ಪುಸ್ತಕಗಳ ಪ್ರಕಟಣೆ, ಸಂಶೋಧನೆ, ಸಾಮಾಜಿಕ ಸಮಾವೇಶ, ಸಂಗೀತನಾಟ್ಯನಾಟಕಗಳ ಒಕ್ಕೂಟ-ಉತ್ಸವಗಳು ಇತ್ಯಾದಿ ಅನೇಕ ಸಾಮಾಜಿಕ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಕರ್ನಾಟಕದ ಪ್ರಮುಖ ಸಂಸ್ಥೆಯಾಗಿ ಮೂಡುತ್ತಿದೆ.